ആലപ്പുഴ: 3.184 കിലോഗ്രാം കഞ്ചാവുമായി ആസാം സ്വദേശി അറസ്റ്റിൽ. ആലപ്പുഴ റേഞ്ച് എക്സൈസ് ഇൻസ്‌പെക്ടർ മനോജ്‌ എം.ആറിന്‍റെ നേതൃത്വത്തിലുള്ള സംഘ മാണ് രഹസ്യ വിവരത്തിന്‍റെ അടിസ്ഥാനത്തിൽ പ്രതിയെ അറസ്റ്റ് ചെയ്തത്.ആസാം ലക്കിംപ്പുർ സ്വദേശി രാഹുൽ എന്ന് വിളിക്കുന്ന നാച്ചി തൈ ആണ് പിടിയിലായത്.
കലവൂർ മാരൻകുളങ്ങര ജംഗ്ഷനു വടക്കുവശം വാടകയ്ക്ക് എടുത്ത ഇരുനില വീട്ടിലാണ് കഞ്ചാവ് കച്ചവടം നടത്തിവന്നിരുന്നത്. വീടി നോടു ചേർന്നു കുഴിച്ചിട്ട നിലയിലായിരുന്നു കഞ്ചാവ് സൂക്ഷിച്ചിരുന്നത്. ഇതരസംസ്ഥാന തൊഴിലാളികളാണ് ഈ വീട്ടിൽ താമസിച്ചിരുന്നത്.
മൂന്നുവർഷം മുൻപ് ഇതേ വീട്ടിൽ ഇയാൾ താമസിച്ചു കഞ്ചാവ് കച്ചവടം ചെയ്തു വന്നിരുന്നു. ചേർത്തല റേഞ്ചിൽ രജിസ്റ്റർ ചെയ്യപ്പെട്ട കഞ്ചാവുകേസുമായി ബന്ധപ്പെട്ട് നിരീക്ഷണത്തിൽ ആയിരുന്ന പ്രതി ആസാമിലേക്ക് കടന്നശേഷം കഴിഞ്ഞവർഷം അവസാനമാണ് കലവൂരിൽ തിരിച്ചുവന്നത്. രഹസ്യ വിവരത്തെ തുടർന്ന് ഈ വീട് എക്സൈസ് നീരീക്ഷണത്തിൽ ആയിരുന്നു.
ആരോഗ്യ പ്രവർത്തകയായി വനിത സിവിൽ എക്സൈസ് ഉദ്യോഗസ്ഥ ചെന്ന് പ്രതി വീട്ടിലുണ്ടെന്ന് ഉറപ്പാക്കിയിട്ടാണ് റെയ്‌ഡ്‌ നടന്നത്. ഈ വീട് കേന്ദ്രികരിച്ചു പെൻവാണിഭ സംഘം പ്രവർത്തിച്ചുവന്നിരുന്നതായി എക്സൈസ് ഉദ്യോഗസ്ഥർ അറിയിച്ചു.
